阿久根和牛拉麵屋

营业中

休息中

喺旺角呢间拉面店，其实都好多年一直都却步冇入过去试吓，今日有时间鼓起勇气入去，又比到惊喜我㖞。叫得和牛拉面屋，咁佢主打都系和牛。另外佢热卖嘅系虾汤拉面。但系我今次叫咗呢款三色拉面，有齐A4和牛、鸡叉烧、猪腩叉烧，可以试晒几种配搭。A4和牛叉烧，完全系A4和牛烧肉嘅味道，入口油香爆发。猪腩叉烧平平，但系都用火炙过，香气扑鼻。鸡胸叉烧就最有惊喜，惊喜在佢嘅调味系甜豉油烤过嘅味道，十分惹味。而咁浓味嘅配料就一定要配返重口味嘅汤先至衬托得到。浓厚味噌虾汤有三种唔同嘅虾再用八个钟头熬煮而成，再加入高级味噌，所以口味会偏咸少少，但系一啲都唔会过份。拉炼已经包咗紫菜同味玉，味玉都入晒味，仲keep到流心嘅效果。其实你仲会见到有一只云吞，系凤尾虾云吞，我额外加落去嘅。云吞入边系原只凤尾虾，都值得一试。