淥鼎記

营业中

休息中

近排天气开始转凉，嗱嗱临同friend去打个边炉先。坐低冇耐侍应就摆低咗一盘四款嘅前菜俾我哋食住先，最钟意系无骨白云凤爪同埋台式小香肠。饮品除咗有常见嘅纸包茶同汽水外，呢度有几款自家制嘅饮品，水果茶仲真系有啲水果浸住，真材实料。呢间有几款唔同嘅主食可以拣，今次就拣咗酸菜鱼食。一碟份量都几多好足料，嗌咗小辣唔算好辣易入口，食完仲有阵阵麻香。鱼片大大旧好滑好入味，莴笋吸收了汤底的精华好脆好爽口。底部仲有啲宽粉，咬落好烟靭有口感。食完就可以转食打边炉，我哋今次拣咗猪骨汤。汤底嘅材料都好丰富，净系猪骨都有三旧，每旧都同拳头差唔多大，味道好浓郁。牛肉最钟意食门封柳，牛肉香浓肉质有少少烟韧有口感。外面自助区仲有四十多款嘅食材任料，每款都有盖盖全安全又卫生，食物质素都唔错。另外仲有围裙提供够晒贴心。