諸勝堂

营业中

休息中

诸圣堂就喺旺角，诸胜堂呢，就喺上环，千祈唔好搞错😆。下午茶时间帮衬，叫咗个椒香瑞士汁芫茜拌面配自家制卤水鸡翼，见 menu 居然有爱尔兰咖啡，于是又叫咗杯试下。我几钟意伴面嘅口感，弹牙得嚟又唔腍，味道亦好有趣，有甜豉油味，有麻油味，仲有麻辣味，但系就一啲都唔辣😂，一啖拌面一啖芫茜，好正👍，至于卤水鸡翼就正常水准。爱尔兰咖啡偏甜，咖啡味同酒味都稍弱，不过喺茶记有得饮，已经好难得。值得一提，店内墙上挂咗好多以香港各区为主题嘅猫猫画作，好靓，亦带出浓浓嘅本土情怀🤗。