影片
更多
2009-11-16
54 浏览
之前咁o岩见到龙门即将结业,适逢母亲大人寿辰临近,就决定试下「一登龙门」o既感觉.是晚五个人,叫左D睇食评推介o既菜色:-叉烧烧鹅双拼-砵仔焗鱼肠-花尾两味-蜜饯紫姜鸡-是日例汤:菜胆猪肺汤-豆豉鲮鱼炒油麦菜见个个都赞叉烧烧鹅好食,第一个叫o既𩠌就系佢,唔知系咪夜左去,D叉烧全部都系筋位,蜜味不错,可惜唔香,加上D肉质地真系唔系太好,唔好话同再兴比,我觉得连修顿隔离间烧味店都不如,希望只是失手之作.烧鹅也没多大惊喜,皮下好大旧油,见到都唔系好敢食,自问都食得几肥都唔怕死,但系望住呢个鹅油,真系无咩食o既冲动,可能近年食得太多烧鸭,已不习惯鹅的肥和"骚".....焗鱼肠系成晚令我最失望既𩠌,蛋焗得极度干,食左一啖都叫其他人唔好食,因为真系太难食.一度怀疑是否番焗....成砵除左干蛋味,少少鱼肠味都无,咁加鱼肠作用为咩?花尾两味:西兰花炒球同蒸头腩,炒球味道不错,可惜油有点过多,蒸头腩也不过不失.全晚唯一可以赞,亦值得赞--蜜饯紫姜鸡,汁的甜味调得刚刚好,,紫姜(子姜??)也很好吃,如果D鸡用番啖啖肉o既鸡肶肉会更加好.唔知系咪例汤关系,同样系猪肺汤,我饮唔到之前食评的好,比起得记买饭送o
是晚五个人,叫左D睇食评推介o既菜色:
-叉烧烧鹅双拼
-砵仔焗鱼肠
-花尾两味
-蜜饯紫姜鸡
-是日例汤:菜胆猪肺汤
-豆豉鲮鱼炒油麦菜
见个个都赞叉烧烧鹅好食,第一个叫o既𩠌就系佢,唔知系咪夜左去,D叉烧全部都系筋位,蜜味不错,可惜唔香,加上D肉质地真系唔系太好,唔好话同再兴比,我觉得连修顿隔离间烧味店都不如,希望只是失手之作.烧鹅也没多大惊喜,皮下好大旧油,见到都唔系好敢食,自问都食得几肥都唔怕死,但系望住呢个鹅油,真系无咩食o既冲动,可能近年食得太多烧鸭,已不习惯鹅的肥和"骚".....
焗鱼肠系成晚令我最失望既𩠌,蛋焗得极度干,食左一啖都叫其他人唔好食,因为真系太难食.一度怀疑是否番焗....成砵除左干蛋味,少少鱼肠味都无,咁加鱼肠作用为咩?
花尾两味:西兰花炒球同蒸头腩,炒球味道不错,可惜油有点过多,蒸头腩也不过不失.
全晚唯一可以赞,亦值得赞--蜜饯紫姜鸡,汁的甜味调得刚刚好,,紫姜(子姜??)也很好吃,如果D鸡用番啖啖肉o既鸡肶肉会更加好.
唔知系咪例汤关系,同样系猪肺汤,我饮唔到之前食评的好,比起得记买饭送o既例汤还有点不如....
就系因为之前好多𩠌都唔o岩食,结果叫个好安全o既豆豉鲮鱼炒油麦菜,除左较多油外,味道不错.
期望变失望,希望只系一时错手,希望可以抽到时间去食番次点心.
因为本人迟到关系, 一坐低就食,所以一张相都无影相,希望各位包涵!!
张贴