影片
更多
2016-02-07
588 浏览
见大围开左呢间新餐厅，趁今日要黎呢头办年货，就打算黎呢到试下啦。中午12点左右黎到，都唔系太多人，唔洗等位，装潢都算几靓咁。坐低之后睇过餐牌，一个餐有野饮有汤有main course，都系50几蚊，唔洗加一之余系facebook share相片同location仲可以有9折，听落好似几抵食咁，点知......我地一行3人叫左3个餐，有烟三文鱼扁意大利粉配鲜菌汁，香煎龙脷鱼柳，同埋焗鸡扒配烧汁。是日餐汤系一个似系用蕃茄同金荀打碎左再加少少菇整成既汤，大碗就真系几大碗啦，不过咸到真系有D过份，最后我地要打半杯水整淡少少先至可以话入到口，绝对有改进既空间。是日水果味冻茶: 呢杯茶就真系甜到飞起，都唔明点解西餐会包杯甜到似糖水既茶而唔包杯咖啡，如果想要咖啡，就要加10蚊。同上面既汤一样，我地都系要加成半杯水整淡D杯茶先至叫做话入到口。烟三文鱼扁意大利粉配鲜菌汁: 呢个意粉算系咁多样食物中最正常既一样，烟三文鱼算系新鲜，意粉软硬度算系适中，味道出奇地唔会过咸，真系值得感恩。香煎龙脷鱼柳: 薯条都还可以，至于龙脷鱼柳，D盐既分布唔平均，一边就无味，一边既咸度就真系分分钟同死海既海水程度有得挥。焗鸡
中午12点左右黎到，都唔系太多人，唔洗等位，装潢都算几靓咁。坐低之后睇过餐牌，一个餐有野饮有汤有main course，都系50几蚊，唔洗加一之余系facebook share相片同location仲可以有9折，听落好似几抵食咁，点知......
我地一行3人叫左3个餐，有烟三文鱼扁意大利粉配鲜菌汁，香煎龙脷鱼柳，同埋焗鸡扒配烧汁。
是日餐汤系一个似系用蕃茄同金荀打碎左再加少少菇整成既汤，大碗就真系几大碗啦，不过咸到真系有D过份，最后我地要打半杯水整淡少少先至可以话入到口，绝对有改进既空间。
是日水果味冻茶: 呢杯茶就真系甜到飞起，都唔明点解西餐会包杯甜到似糖水既茶而唔包杯咖啡，如果想要咖啡，就要加10蚊。同上面既汤一样，我地都系要加成半杯水整淡D杯茶先至叫做话入到口。
烟三文鱼扁意大利粉配鲜菌汁: 呢个意粉算系咁多样食物中最正常既一样，烟三文鱼算系新鲜，意粉软硬度算系适中，味道出奇地唔会过咸，真系值得感恩。
香煎龙脷鱼柳: 薯条都还可以，至于龙脷鱼柳，D盐既分布唔平均，一边就无味，一边既咸度就真系分分钟同死海既海水程度有得挥。
焗鸡扒配烧汁: 鸡扒焗就真系焗得几脆，可惜个汁有D不伦不类，似系平时用黎送烧鹅果D，绝对有改进既空间。
张贴
