Chaplin

营业中

休息中

见到门面英伦风几骨子入去试吓食晏，不过服务员好似唔多欢迎，对客人笑容欠奉，但同其他同事有讲笑，呢啲唔知系咪叫professional呢？我唔懂😅。未够12:00一开门就入去，话卡位比book位嘅人，四人枱又话唔坐得，最后好勉强咁比我地系「坐住先」。不过到个几钟后差唔多走都冇人，亦唔觉有人特别request卡位，只系有4个人入嚟坐4人枱。客人唔多，唔知hold住啲位做咩。话晒我哋午餐都食咗$600埋单。可能佢哋留比啲食得再贵啲嘅人呱。食物方面，叫咗鱼，但肉质又硬又鞋；比高包都系好硬，可能我唔识食。另外叫咗青口，但好细粒，大过指甲少少，配好似泰式酸辣酱，真系食唔惯😂。店员话晚餐青口会大啲同有唔同煮法。九龙城区嚟讲，环境系ok嘅。不过可惜吖。虽然是次经验有点失望，但我都好用心同佢嘅环境影靓相🤪。