紅茶冰室

营业中

休息中

今日個仔返晏，就比佢瞓晏啲然後去食個brunch再返學，紅茶冰室十一點半前仲有早餐，阿仔就叫咗個假鮑魚絲火腿通心粉，配餐包煎雙蛋加杯熱飲，我就懶係健康叫咗個北海道牛奶藜麥粥，配蛋治熱奶茶。呢個藜麥粥嘅口感認真麻麻，唔知點解叫北海道牛奶，唔覺得有加入牛奶去煮，完全冇味道，上枱跟咗一杯仔煉奶，本來都係想食健康啲但再加煉奶就完全違背咗呢個原意但冇味真係好難食，好彩件蛋治十分出色，奶茶亦都唔錯。下次都係叫返沙爹牛肉麵或者通心粉或者佢嘅全日早餐。