影片
更多
2009-04-13
20 浏览
鱼妈妈唔似小金鱼钟意出街揾食，好难得佢有日问我"太兴d野系咪好好食"，见好几日都无返屋企食饭，今日下午就同鱼妈妈试下太兴。其实我之前都无食过太兴，只系听过朋友话佢d烧味ok，但价钱就频贵。不过难得鱼妈想食，都试下啦。咁啱富荣花园有间，good~唔洗鱼妈妈行去鱼街~~去到大约2点左右，人唔多成间舖大约仲有1/3系"吉"枱，任我地拣想坐边张都得。坐低见佢有d套餐，一场嚟到太兴无埋由唔食烧味，最后我地二个人叫咗：烧味双并饭(乳猪 + 叉烧) ：乳猪皮都仲脆，但唔热之余仲肥咗少少，再加上连乳猪酱都无，呢点要扣分，至于d叉烧就唔错，够松软又唔系全瘦(如果乳猪d肥过落去叉烧度就完美啦)，不过颜色方面唔系我平时食开d鲜红色，而系深红(黑黑地)，再扣少少分。瑞士汁牛柳湿炒河：小金鱼一向都钟意食瑞士汁鸡翼，见佢呢个炒可又有瑞士汁又有牛柳啱矖我的心水，碟炒河都好快上枱，一碟好黑"蚊蚊"的炒河。味道方面d瑞士汁甜甜地都几好，不过d牛柳有好重的黑椒味，至于个河粉有所有炒河的通病===>油，还好佢系湿炒河同佢有落瑞士汁，好似无咁油，但系食到最后都系好油同滞。其余我地仲叫咗个油菜，分量ok，只系可唔可以比
其实我之前都无食过太兴，只系听过朋友话佢d烧味ok，但价钱就频贵。不过难得鱼妈想食，都试下啦。
咁啱富荣花园有间，good~唔洗鱼妈妈行去鱼街~~
去到大约2点左右，人唔多成间舖大约仲有1/3系"吉"枱，任我地拣想坐边张都得。
坐低见佢有d套餐，一场嚟到太兴无埋由唔食烧味，最后我地二个人叫咗：
烧味双并饭(乳猪 + 叉烧) ：乳猪皮都仲脆，但唔热之余仲肥咗少少，再加上连乳猪酱都无，呢点要扣分，至于d叉烧就唔错，够松软又唔系全瘦(如果乳猪d肥过落去叉烧度就完美啦)，不过颜色方面唔系我平时食开d鲜红色，而系深红(黑黑地)，再扣少少分。
瑞士汁牛柳湿炒河：小金鱼一向都钟意食瑞士汁鸡翼，见佢呢个炒可又有瑞士汁又有牛柳啱矖我的心水，碟炒河都好快上枱，一碟好黑"蚊蚊"的炒河。味道方面d瑞士汁甜甜地都几好，不过d牛柳有好重的黑椒味，至于个河粉有所有炒河的通病===>油，还好佢系湿炒河同佢有落瑞士汁，好似无咁油，但系食到最后都系好油同滞。
其余我地仲叫咗个油菜，分量ok，只系可唔可以比多少少蚝油，14蚊一个菜，唔好咁孤寒啦。仲有佢呢度冻饮要+3，本嚟都ok，但系当我一见到我个杯冻柠水嚟到，只有大约半杯唔到系水，有超过半杯以上系冰，我就觉得佢好"揾笨"，虽然佢呢度个杯比出面大少少，但系真系洗唔洗落咁多冰呀。鱼妈妈就叫咗杯红豆冰(+6)，同我个杯柠水一样咁多杯(鱼妈妈捞咗一碗冰出嚟，佢个杯都仲有余)，不过鱼妈妈话个红豆冰好好食，佢真系食到一粒豆都无余贵少少都算啦。
整体上我觉得成餐质素都算ok，只系价钱就略贵，二个人已接近110.00，加上系餐饮方面令人有"揾笨"的感觉，如果纯粹只系想食烧味饭，鱼之家楼下的烧味档一个饭盒双并都只系18.00，虽然无乳猪拣(要就另计)，但质素绝对不比太兴差，再加上个个炒河很奇怪地只系微暖，全无镬气的感觉。那有甚么地方可以吸引我再去太兴一次吗???
张贴