太興

营业中

休息中

呢間係太興????? 真係震驚到講唔到嘢.燒鵝燶咗叉燒乾柴份量少過對面街三十蚊燒味飯，如圖，因為外賣所以俾咗黑到變左碳色嘅燒鵝我。打開個盒：呢度係雙拼燒味飯份量？ok，燒鵝幾乎冇皮咁滯，唔緊要，但完全燶咗黑到咁喎？邊個決定俾客人八十蚊食D燶黑咗嘅燒鵝? 係咪冇當過食客係人呀？太興以燒味做招牌？燶黑燒鵝專家，永遠blacklisted . 叉燒咁嘅色已經有不祥預感，乾柴到冇辦法食，究竟點解會變成咁奇怪嘅色水呢?

昨天買了一盒燒腩回家，是即食，沒有放很耐或焗過，燒肉皮全是沐和韌的，好似隔夜燒肉咁，要放在焗爐加工才叫做食倒，百幾圓的燒肉連一般燒味檔都不如。太興D嘢越賣越貴但D服務和食物質素就越來越差，👎🏼👎🏼👎🏼👎🏼👎🏼👎🏼👎🏼👎🏼👎🏼。其他食物亦一樣，炒小菜很油，份量又少，好似食碟頭飯咁😂。早餐選擇太少，永遠只可揀雙腸，雙蛋或雙腿，雞扒很細塊，多士唔脆都算仲要要凍和韌，照顯一早做定，職員見熟客就Ok，否則態度很差，唔願做咁。

不知所謂既員工，服務態度超級差！入舖無人理，坐低十分鐘都無人執枱，舉手打算點餐+叫人執枱，員工走埋嚟問都無問客人要咩，第一句就講：「自己落單架喎！」我答左一句「咁可唔可以執一執枱？！」員工反問返轉頭：「我有話唔可以咩？」（其實我個問題佢聽到d咩？定專登要鬧客？）落完單，我叫了杯鴦走，因為系統無得揀少甜，又沒有寫明奶是分開上，所以諗住舉手講聲杯野飲要少甜，第一個員工見到照走開，另一位過來，我說：「我剛剛落左杯野飲想要少甜，系統無得揀所以想同你地講聲。」佢即刻反我白眼，邊走邊講：「奶係分開上架！！」，其實點解可以咁無知，佢地係咪唔知其他既餐廳都會係落埋奶，客人只是講一句，點解可以咁無禮貌？埋單問收銀，你地有無投訴熱線，收銀話：「下！要搵喎～」呢間野真係厲害，上市上到咁差都第一次見！永不回頭，兼傳開身邊嘅人blacklist此餐廳。

因為疫情，已有一段時間沒有堂食，今天這兩個月第一次去這間餐廳食早餐，差不多食完的時候，杯奶茶內有張紙！服務員亦說可以退換俾我，但係我見到已經冇晒胃口，衛生情況真係有待改善！

因為想用消費卷coupon先黎食既一餐，仲要分單比錢。$45 半隻雞 都OK既炒通菜 幾惹味咕嚕肉，勁少肉，配菜多過主菜😑，D肉仲要勁肥同淋。太濃味。仲要勁少牛😑！好孤寒呀！有好多進步空間。

太興啲燒味出左名啲好食，原本今日想揀乳豬分蹄飯，可惜乳豬已經賣曬，只好轉左分蹄油雞飯加埋太興最出名啲凍奶茶。分蹄大大件，都有4-5件，點左分蹄汁，好酸好彈牙，唔錯。我真是好中意食分蹄，不過FD就話啲分蹄好唔健康，叫我食少啲。油雞分量都好多，有6件。皮好油滑，雞肉好嫩，喺啱啱熟，搭配啲薑蓉，真是聽唔落口。好耐冇食太興都唔知道，宜家啲午市套餐都好貴，近80HKD但是包埋一杯熱飲。嘢食喺OK，但是價錢就貴左啲，以哩個價錢黎講，真喺未算抵食！

除非係山荒野嶺,如果唔係一定唔好去食，未試過咁難食嘅嘢，又少又貴,差唔多100$一個餐 比幾片肉我,真心比遊客食,本人好少評論,今次我太嬲,100$比d咁既野我,仲要服務差

同一家人過到嚟太興食個晚餐因為我哋一家五人，所以分咗兩張枱位於富榮花園樓下嘅太興多數都係做附近屋苑嘅生意仲記得細個嘅時候成日都過嚟開餐，大個咗之後越來越少食，唔單止價錢貴咗好多份量亦都細咗，本身爸爸媽咪係為咗過嚟太興食燒鵝先至決定過嚟食，如果唔係我哋應該會去附近嘅酒樓誰不知職員話半隻燒鵝都冇得返兩份下裝，所以我哋只好叫咗138元，一份下裝食叫咗兩個晚餐套餐，魚香茄子煲，同埋咕嚕肉，加少少錢就可以配白飯同埋飲品，不過白飯嘅份量真係好細碗，基本上係一個正常人都唔會食得飽，另外叫咗一隻砂礓雞，但係睇落似豉油雞多啲，顏色就夠嘅，可惜除咗皮之外隻雞都冇乜味我覺得有啲失望，五個人埋單食咗$500鬆啲，下次都係去酒樓食好過啦，燒鵝嘅味道就一般，冇咩特別，如果唔再喺食物質量上面改善，我諗都好難再吸引到客人嘅回頭再幫襯

附近餐廳都無邊間奶茶得,有間飲得過,但又唔想食佢啲茶餐突然就諗起太興奶茶應該有保證實無死最近天氣實在太熱,日日都三十幾度真攞命,超想飲個凍奶茶多奶爽一爽入到餐廳,冷氣夠涼,大量卡位,闊落好坐舒服,成個人都已經爽左一半叫左兩個茶餐燒鵝湯米$40凍奶茶多奶加$3燒鵝香,肉質新鮮有鵝香,超正,湯米既湯夠熱夠味,食左個人好舒服,最怕食湯粉啲湯唔凍唔熱不知所謂,係略嫌個米粉腍左啲雪菜鵝絲炆米$52呢個味道都算OK,但鵝絲比較少,同埋比較濕凍奶茶就不過不失啦,一般茶餐廳水平,我諗下次都係叫冰鎮穩陣兩人埋單$98

間中都會去這間食早餐,但今次真係忍唔到佢地有幾個waitress的態度,而我多數都係食餐蛋麵,但味粉分開上因為太salt,次次都得,今次有個waitress認得佢地都係度做一段時間,一開始會叫佢點菜已經態度差,跟住佢話要問做唔做到,記得佢之前都幫手落過單,你今日先話要check,其實咁唔願意落單咪好似有D食市咁比人自己落單,佢跟本唔想做

$48唔算平到嘔，無想到佢碟小菜細份到以為比人食左，得七舊鷄塊，大家小心價錢好似平左，但量係更少，條數計番係仲貴左，大家睇相就知！標明$48淨小菜，唔包飯及湯或飲品，呢個價錢換來七件仔鷄塊，良心食店嗎？還是比人食左？？？

今日好攰，又唔想煮飯，走咗落附近食。兩個人唔知叫咩好。其實呢間出咗名，自從上市之後，燒味已經不及從前。隨意叫咗個八寶飯、欖菜肉碎四季豆。第一次啲雞同鴨係完完整整嘅切得咁靚。滷水墨魚一如以往冇咩味道。鹹蛋黃乾爭爭、薰蹄勉強還可以。其實用呢個價錢，個份量真係好一般。雞、鴨、叉燒、燒肉 每樣得兩舊。薰蹄、紅腸、滷水墨魚就好幾片。燒肉已經冇脆皮好耐啦⋯⋯欖菜肉碎四季豆，味道尚可，我愛調味淡一點，就更加好入口。不過如果愛送飯當然一流啦⋯⋯

今日放工到富榮花園太興食晚餐。叫左瑞士汁牛柳絲炒河，星州炒米粉，柚子蜜，熱咖啡，杏汁潤肺湯。 熱咖啡唔夠香。柚子蜜都正常。瑞士汁牛柳絲炒河-都好多牛柳都好好味道又唔會太油膩。不過甜左少少。星州炒米粉-唔會太油膩，都偏辣但非常香口好味道。蝦唔夠爽口彈牙不夠新鮮，炒得不油膩。杏汁潤肺湯-好香杏汁味道，足料好味道。

今晚晚飯夜左少少食, 求其係屋企附近解決, 哩間太興岩岩裝修完無耐, 門面都光鮮左好多, 就試下食物如何啦。驟眼睇入面裝修都幾靚, 好光猛而空間感亦幾大, 睇黎唔錯wo落完order等晚餐到既時間無聊周圍望, 唔望由自可, 一望就發現可怕既事實, 隔離張櫈有幾粒剩菜, 再望落地下, 好多細細類似廁紙碎既垃圾, 然後望埋右邊同後面個枱底, 成埋用完搓埋1舊既紙巾係度, 個堆起碼有10舊8舊, 真係好嘔心! 原本想影低佢但太核突真係唔想再望同埋影落電話度! 感覺似係樓面懶得清理掃埋一舊收鋪先清理?但我到達既時間只係9點左右, 距離佢收鋪時間仲有成2個鐘!! 真係有無攪錯放大圖由於單已落, 焗住係度食埋佢啦, 叫左咸檸檬蒸倉魚同埋魚香茄子煲。食物味道同賣相都ok啦, 只能講合格, 因為佢價錢都唔平。咸檸水仲有食飯期間有烏英仔飛來飛去, 不過佢咁既衛生環境都唔出奇食完拿拿林走, 唔想再唔小心望到堆廁紙賣單138蚊, 無乜必要都唔會再黎食, 太污糟啦! 既然花錢去裝修得咁靚, 點解內部環境會咁惡劣架, 整得幾靚都無用

太興飲食集團1989年成立。太興燒味的營運模式，近似其競爭對手大家樂、大快活及美心MX等港式快餐，不過形象上是燒味專家！分店在香港太約五十多間遍布全香港。食燒味，太興有保徵！由以前的老燒味店多年不斷改善形象，更用明星，運動員做代言人。希望改變形象進軍年青，時尚燒味市場。My Hero, 太好味道 - 是他們的slogan!由於各種食物，店鋪，服務管理得企業化，所以食物好有水凖。今天我掛念他們的燒鵝，來了吃他們的juicy 燒鵝常餐。一如以往，好味🤤👍🏻我在拍菜單分享給大家的時間，發現他們有貼心計算好卡路里健康歺（可以看圖）！減肥的朋友可以試。還有很多不同產品，可以參考圖。總括當然是會繼續支持🥰👍🏻