Mr. Steak Buffet à la minute (已搬遷) 新店位置

当天系9月的其中一个星期六，食第二时段，7:30  - 10:00， 早两三星期上网book 的，记得有折扣，折后加一大约5百几，同差唔多食物水平的酒店比较，算平。当日系full，虽然餐厅较细间，但位置之间的距离也够。呢间餐厅主大食冻海鲜，和牛。龙虾身够新鲜，龙虾蚶就差啲，冇乜鲜味，较韧。长脚蟹都大条，可惜唔太新鲜，肉有啲痴住壳。冻虾好味。有生蚝，我冇食，每次去拎可以拎两只，朋友蚝话都够饱满，不过重金属味，唔系人人钟意。刺身只系食咗带子，呢个新鲜又大只。仲有沙律芝士吧，好多不同的沙津，芝士和瓜菜。熟食除咗和牛，其他真系好普通，比好多酒店差，而且人多时，好多都refill 唔切。和牛好味，睇得出系靓肉，油肥分布平均，人多排队去拎都快。甜品款式多，亮点系可以写Happy Birthday 系流心朱古力蛋糕的碟上。庆祝生日好适合。side issue，厕所卫生有待改善⋯⋯