新蒸武門 (已結業)

上星期喺观塘放工后食饭 畀我发现到有一间有"屋企饭"感觉嘅餐厅，位于骆驼漆三座1楼嘅新蒸武门，以蒸煮嘅小菜为主， 出街食饭普遍多盐多油， 但呢间嘅味道绝对健康。好耐冇返过屋企饮汤，所以绝对要喺度品尝佢嘅炖汤，“椰子雪耳炖鸡” 每人一盅，用料丰富，椰子味极香甜，配合雪耳及鲜鸡，绝对同阿妈靓汤有得fight。佢哋有多款𩠌菜选择，难得有住家菜食， 首先离个浓汤节瓜浸鱼滑， 节瓜云耳配鲮鱼肉，用高汤煮成， 又清新又健康， 最后连所有高汤都饮埋， 一啲都唔好嘥。另外豉汁带子蒸豆腐， 豆腐配想带子再加埋豆豉一齐蒸， 清得离食到带子嘅鲜味，而豆腐又滑又好味。最后梗系要试埋佢嘅红枣杞子荷叶蒸鸡，98蚊呢个价钱非常抵食，用荷叶包住鲜鸡红枣杞子粉丝同金菇，保持鲜鸡嘅嫩滑，红枣杞子带甜味，而粉丝金菇索咗鸡汁，非常好味，呢个蒸鸡绝对推介。平时少返屋企食住家饭，“新蒸武门”绝对适合无饭煮妇既朋友， 清新健康又好味。