影片
更多
2023-05-09
1134 浏览
呢一日放假可以同老婆大人、朋友去个世外桃源嘅地方玩返日𠮶道就系黄金海岸酒店，绿草如茵有海有沙滩又唔算太远晒我哋！喺青衣搭小巴过去眨吓眼就到怕搭路面车嘅老婆大人都OK。呢日晏昼午餐去咗沙嗲轩食星加坡菜，嚟呢道食自助餐就试过其他餐厅我都系第一次嚟咋！入面好多落地玻璃好光猛舒服真系劲有渡假Feel。我呢个人好寒底所以第一餐必定要饮热嘢！见到有呢个杨协成金盏菊花茶即刻点嚟试吓！用咗杨协成嘅菊花茶加埋啲金盏花浸成，饮落去个味好熟而且唔会好甜几好饮㖞。我哋嗌咗两个新加坡尝味套餐一共有六个𩠌好鬼丰富！头盘喺烧酿豆卜、沙嗲猪肉同埋鸡肉串。烧酿豆卜几有豆香入面仲有啲爽口嘅芽菜同青瓜丝，加埋啲香口嘅花生碎食落都几唔错。串烧有鸡肉同猪肉两样我都几钟意，烧得香口但系唔干加埋个沙嗲酱食一流。跟住仲有一次过可以试晒两个地方嘅鸳鸯肉骨茶真系过瘾。呢碗系马来西亚风味嘅肉骨茶，系偏向药材味重啲嘅味道老婆大人就最钟意。而我就钟意呢个胡椒香味浓嘅新加坡肉骨茶，平时食肉骨茶𠮶条骨通常都唔系几好食！但系呢度嘅一字骨系好松化同有肉香，大家记得一定要食咗佢啊。其中一个主菜我哋就拣咗椰香咖哩牛腩配印度千层油酥饼，咖喱香得嚟唔会好辣牛
呢日晏昼午餐去咗沙嗲轩食星加坡菜，嚟呢道食自助餐就试过其他餐厅我都系第一次嚟咋！入面好多落地玻璃好光猛舒服真系劲有渡假Feel。
我呢个人好寒底所以第一餐必定要饮热嘢！见到有呢个杨协成金盏菊花茶即刻点嚟试吓！用咗杨协成嘅菊花茶加埋啲金盏花浸成，饮落去个味好熟而且唔会好甜几好饮㖞。
我哋嗌咗两个新加坡尝味套餐一共有六个𩠌好鬼丰富！头盘喺烧酿豆卜、沙嗲猪肉同埋鸡肉串。
烧酿豆卜几有豆香入面仲有啲爽口嘅芽菜同青瓜丝，加埋啲香口嘅花生碎食落都几唔错。
串烧有鸡肉同猪肉两样我都几钟意，烧得香口但系唔干加埋个沙嗲酱食一流。
跟住仲有一次过可以试晒两个地方嘅鸳鸯肉骨茶真系过瘾。
呢碗系马来西亚风味嘅肉骨茶，系偏向药材味重啲嘅味道老婆大人就最钟意。
而我就钟意呢个胡椒香味浓嘅新加坡肉骨茶，平时食肉骨茶𠮶条骨通常都唔系几好食！但系呢度嘅一字骨系好松化同有肉香，大家记得一定要食咗佢啊。
其中一个主菜我哋就拣咗椰香咖哩牛腩配印度千层油酥饼，咖喱香得嚟唔会好辣牛腩又炆得够松化，我就最钟意咖喱配油酥饼呢个完美嘅组合。
另一份个主菜就系沙嗲轩嘅招牌海南鸡饭，大家都知我最钟意食鸡㗎啦！呢只海南鸡都做到皮滑肉嫩唔错㗎 ！
不过我更加欣赏佢哋嘅油饭，整得好有香味但一啲都唔油，师傅嘅手势认真唔错。
继续系套餐入面嘅粉丝虾煲，入面有两只开边大虾食落去好鲜甜爽口，加埋啲吸晒虾味嘅粉丝真系好食到停唔到口。
最后仲有一碟炒得爽夹香嘅蒜蓉咸鱼炒芥兰正啊喂。
呢个套餐嘅甜品系斑兰蛋糕伴雪糕，呢个斑兰蛋糕真系好食到不得了！又松又软跟住仲有好香嘅斑兰叶味真系好正。
我哋仲叫埋净系星期一至五先有嘅三个菜午市套餐，前菜系星洲虾羔什菜沙律，入面有苹果、沙葛同埋青瓜呢啲爽口嘢！配咗个用虾膏整嘅酱捞匀嚟食，材料爽口加埋咸咸香香呢个前菜好有风味。
呢个嘅主菜我哋拣咗参巴海鲜炒饭，炒饭入边有好多海鲜好似青口、大虾同埋鱿鱼仲有鱼片，炒饭够入味干爽有少少辣好鬼惹味㗎。
最后呢日嘅甜品系椰汁黑糯米，烟韧嘅黑糯米沟埋啲香浓椰汁一齐食，味道好唔错不过都几饱肚㗎。
食午市套餐可用优惠价＄15叫一杯特饮，有什果宾治、青柠梳打、咖啡可以拣，或者好似我咁叫杯拉茶叹吓，呢间沙嗲轩我哋都好钟意下次有机会要再入嚟食过。
沙嗲轩电话：24528822
地址：屯门青山公路1号香港黄金海岸酒店大堂
张贴
