影片
更多
2013-01-30
79 浏览
早一阵子嚟九龙城区去隔邻Lemon Shop 买泰式香料经过见有新店, 仲要系我喜欢的烧鸡! 睇佢餐牌...仲要系"专门店"?! 就已经好想试! 但当日已食饱, 唯有另选他日再嚟食. 今晚既然唔响屋企开餐又突然想食, 就叫Honey同我过嚟, 好彩佢无异议, 因为无几耐之前至陪我食咗"阿纯烧鸡", 几惊佢话: 咁呀! 知我者Honey是也, "抽起条筋"想食就要食到"至安乐, 为食到不得了!!!!我哋叫咗两份套餐, 每客包一碟烧鸡, 自选一碗粉/面/白饭/或菜粒油饭, 几好, 选择几弹性呀! 樽庄汽水一瓶或咖啡/热饮. 每位HK$45免加一. 我哋点咗'秘制香草烧鸡'同埋要咗'惹味酱烧辣鸡', 跟菜粒油饭. 首先讲油饭, 一上枱, 好香, 怕肥就唔好叫喇, 因为确实唔错! 相信用咗唔少鸡油同蒜油捞所以香到我想快快趁热扒晒碗饭, 一餐半餐, 肥少少都要顶硬上! 香草烧鸡就当然好食过KXC啦, 一碟都有十几件, 几滑, 但味道方面唔算精彩到一定要再去试咁啰, 可能...我会希望香草味再浓少少! 总之尚有进步空间! 慢慢嚟, 仲咁新! 不过...'
我哋叫咗两份套餐, 每客包一碟烧鸡, 自选一碗粉/面/白饭/或菜粒油饭, 几好, 选择几弹性呀! 樽庄汽水一瓶或咖啡/热饮. 每位HK$45免加一. 我哋点咗'秘制香草烧鸡'同埋要咗'惹味酱烧辣鸡', 跟菜粒油饭. 首先讲油饭, 一上枱, 好香, 怕肥就唔好叫喇, 因为确实唔错! 相信用咗唔少鸡油同蒜油捞所以香到我想快快趁热扒晒碗饭, 一餐半餐, 肥少少都要顶硬上! 香草烧鸡就当然好食过KXC啦, 一碟都有十几件, 几滑, 但味道方面唔算精彩到一定要再去试咁啰, 可能...我会希望香草味再浓少少! 总之尚有进步空间! 慢慢嚟, 仲咁新! 不过...'惹味酱烧辣鸡'呢个系我好期待试嘅, 仲有句slogan话: [挑战味蕾'!] 哗~哗~ 咁正?! 改咗个咁嘅名, 好似会好'惹味'又可能会'辣'咁总之我见到个名就流晒口水啦! 试完后觉得餐牌俾我太大期望喇! 虽然幸运地有'鸡肶'但食完后我又只系觉得滑同好食过KXC, 唔系非常'惹味', 少辣少到几乎唔辣咁! 问题系...我睇个名, 我仲有考虑到"如果上菜后好辣就叫多支汽水"啦.... 哎呀~ 总之都几失望, 唔通要迁就街坊老少咸宜? 一啲都唔辣....少辣都称唔上! 当然如果佢个名唔系叫烧辣鸡我唔会谂咁多嘢! Honey睇到呢度请原谅我又长气咗...
成晚最正系碗油饭, 但个碗比较细, 虽然佢尽量装到圆拱型满满一碗, 但相信女士应该啱啱够饱, 男士应该系刚刚争少少唔太够, 当然如果系男仔食开两碗饭嘅会索性俾$12蚊叫多碗, 但我觉得如果佢参考'茶楼烧味饭'做法, 碗上呢就收$45/碟上嘅饭量多少少, 收贵几蚊, 会弹性好多, 起码客人唔驶考虑叫多碗又怕食唔晒. 依家啱啱好似争少少想叫多少少, 我不断睇住张餐纸menu考虑叫份小食, 但呢度太太太'专门', 除咗鸡, 还是鸡, 又或者极其量有碟菜, 但如果唔叫菜, 真系谂唔到可以加啲咩, 唔通再叫一份叉烧$42咩? 好似又夸咗啲...'肉/肉'餐咁... 又或者叫$18鸡翼? 咪又系鸡! 小食的选择真系唔多, 我个人方面, 其实会希望有醋渍萝卜呀/又或者青瓜粒呀之类之类的蔬菜类小食, 唔系斋叫碟'油菜'咁寡啰, 这是我的小小意见.
店是新店, 当然干净, 唔该keep住! 服务方面...或者系今晚无咩客的关系, 所以佢都算招呼得好妥贴. 侍应们的面口好和善, 几好! GOOD! 希望第日人流多咗都会维持好服务就好喇! 唔好一'做大'咗, 侍应就当客人系仇家, '口面'佢或越叫越走! 希望啦!
其实Honey同我饭后散步时话如果呢间店嘅店面design唔系厨房缩咗响店内最入位置会更好, 因为如果你喺门口橱窗有嘢睇, 有'师傅整紧嘢食'睇又好, 有'烧鸡睇'又好, 都好! 至少应该会再吸多啲客嘅注意, 依家都有啲靠个客好奇睇吓佢放门外街边的餐牌至知你卖咩嘅感觉, 门口拉客又唔可以做得太'积极'否则又会有反效果, 师傅们又好强调唔会有好多鸡放出嚟, 为保新鲜, 卖晒一款至做另一只, 唔...咁要'吸客人目光'又真系有啲难度...
相信系店新的关系, 晚市七点零都无咩客堂食, 反而有呢区的街坊叫外卖, 见佢每隔一阵都出一/两袋外卖, 希望会日渐多啲生意, 始终今晚呢餐食完都系觉得OK嘅, 45蚊个餐, 地方几好坐, 有电视'送'饭, 虽未至于: "[好好味!]", 但有进步空间! 有机会确系可以再试嘅, 而且店新, 希望味道方面可以改良/提升一下; 点都好, 我会再嚟试嘅! OK?!
张贴
