黑窗里

营业中

休息中

深水埗长沙湾一带愈开愈多文青 cafe，早排做完嘢就去咗其中一间食素嘅，个名几特别，叫黑窗里，间舖嘅前身，就系颇具盛名嘅苏波荣。呢度嘅 menu 日日转，主菜每日只有三个选择，其中一款系自由定价，概念好独特。我拣咗烤鲜蔬佐椰子芋泥卤肉燥饭，加廿八蚊配埋汤同小食，汤系素纯西兰椰菜花坚果忌廉汤，唔算好 creamy，但椰菜花同坚果味几突出，ok 好饮。小食二选一，我就拣咗昆布酱煮南瓜，呢个真心正，甜味嘅日本南瓜同咸味嘅昆布汁，好夹，好食。主菜卖相好靓，我好钟意呢啲素卤肉，应该部份系菇类，几香，有咬口；另外个汁椰子同芋头味浓郁，甜甜哋，𩠌饭一流；配埋小蕃茄同南瓜片等，成个饭都算丰富，食完有饱肚嘅感觉。最后嚟杯酸酸哋嘅紫苏薄荷 Lemonade，边饮边睇店入面嘅藏书，又系 一个好 chill 嘅黄昏😚。