皇茶 (已結業)

之前睇 Facebook 见到佢地有芝士盖茶，行过买杯试吓，唔错！首先店员系用茶包现场冲压，唔系冲好哂倒茶出黎𠮶种，跟手再打个芝士盖，虽然等左一阵，但杯成品起码睇得出唔系 HEA 做。讲返个味道，乌龙味好出，桃味亦都好夹，唔会太甜，饮到𠮶种清甜嘅茶味；个芝士味好香，唔会好咸，我原本都惊会盖过左茶味，但饮落𠮶种咸香，同尐茶味好夹！推荐！不过最想赞都系店员嘅服务态度，好亲切咁讲解茶嘅品种同饮法，唔会好似旺角𠮶尐赶头赶名又黑面...加油呀，支持小店！