Morokok (家樂坊)

营业中

休息中

同朋友饭聚，最紧要餐厅够阔落，最好啲酒又好饮，呢间餐厅就满足到我哋要求啦！餐厅好大间，唔使限时限刻赶人走。菜式除咗一般泰菜会有嘅选择，仲会有西式嘢食，不过我哋今次就冇试。我哋叫咗生虾刺身、青木瓜沙律、冬阴功汤、明炉乌头王，仲有各自嘅cocktail。所有菜式都够晒辣，好啱钟意食辣嘅我！生虾刺身🦐够晒弹牙，而且有好多只，抵食！青木瓜沙律🥗青木瓜爽脆，辣味适中，食完好开胃。冬阴功汤🥣好足料，有唔同嘅海鲜，四个人分每人有一碗以上。明炉乌头王🎣乌头够大条，唔会煮到啲肉实晒，而且个汤好好味。