漁釧 (已結業)

见到呢间新店上次已经好想试，但系2点半去到原来3点落场，就无去噜。今次就晚市去试，6点几唔洗排队，入去坐左阵好快满座。可能因为新开，仲闻到入面仲有少少新装修既味。佢既设计都好日本，入面都有2位日藉+港藉师父整寿司。讲番野食先，本身想叫豆腐蕃茄沙律，未有，鹅肝寿司，无货。最后叫左4样，上菜有d慢，坐左30分钟先上左3样，最后个蟹肉沙律再问店员有无落单，佢话有，但过左十几分钟都无黎到就埋单闪噜。麻糬配红豆 免费 ⭐️⭐️⭐️⭐️一坐低店员就拎过黎话系送既，唔知系咪因为新年先有架呢，麻糬好烟韧，整体都好味，不过红豆应该唔系用日本，无个种香甜，不过唔洗钱都正呀！店员推介铁板牛油焗带子$68 ⭐️⭐️⭐️店员话香口好味就试下，系几香既，不过胡椒味好重同埋比较多油，唔系好食到带子鲜味。盐烧牛舌串 $36 ⭐️⭐️⭐️⭐️⭐️本身唔系好钟意食牛舌既我竟然觉得好好，劲香！唔会太难咬，牛味好重，烧得岩岩好。有惊喜！呢度其他烧物应该唔错，下次可以encore试多d烧物。寿司盛 $268 ⭐️⭐️⭐️⭐️⭐️有另一个寿司盛3百几有埋海胆，下次要试下先！拖罗：幸福⭐️⭐️⭐️⭐️⭐️三文鱼子：好新鲜同好甜⭐️⭐️⭐️⭐️⭐️赤海虾：新鲜⭐️⭐️⭐️⭐️⭐️三文鱼：掂⭐️⭐️⭐️