龍鳳冰室 (已結業)

今日孤独一人去食一个孤独的午餐，自己一个行下行下见到龙凤冰室，之前都有食过觉得几好味，所以今日就去排队食。虽然好多人等位，但系一个人等位唔需要等太耐就可以入座，入到去拣下拣下最终都系拣咗食鸡髀蛋饭。只炒蛋同之前一样都系咁滑，啲汁都系咁好味，甜甜地咁，分量都算唔错。但系今次最失望嘅就系𠮶只鸡髀，只鸡髀干到好似柴咁样，食落去完全硬蹦蹦，干争争，最终只鸡髀我只食咗三分一之后就唔食啦。饮品都系饮杯冻奶茶少甜，冇乜特别。但系今次食完之后觉得有啲失望，相信要一段时间之后先至会再食呢间龙凤！