牛陣 (已結業)

平时行开apm, 见牛阵外面都总有o的人排队, 上星期有日早放工, 就6点几7点钟去到个度食, 谂住仲未咁多人排, 个晚一去到唔洗等有得入.之前行开都闻到好香的Shabu Shabu味, 我地点左澳洲牛肉, 有分普通及上等, 我地要上等(好似系普通甜汤底), $140/ppl. 本唻想试和牛, 不过商量过后想先试下平少少o既睇下质素如何, 下次先试和牛, 不过而家应该会打消o系呢度再试和牛.我本身唔钟意食太肥o既牛肉, 其实呢度会o岩我. 佢地第一碟会先比杂敢唻(有牛肉, 猪肉, 猪颈肉), 第一碟o的肉都ok, 但之后叫左2次牛肉, 越唻越瘦, 最后个碟瘦到连少少白色脂肪都无, 仲要切到劲薄. 我朋友越食越觉得唔掂.o的自助蔬菜又唔多选择, 总觉得太单调.唔知点解呢度会无sake, 最多得啤酒.. 唯有点成$16杯o既百事...最搅笑我隔离枱有家人点和牛, 我地八卦间唔中望下佢地d肉, 见到个家人o既婆婆, 净系o系度狂食白饭(食左2大碗), 可能老人家要食饭先惯.. 如果呢度唔系计人头任食, 仲以为呢家人虐待个婆婆, 唔俾贵肉佢食添呀, haha!