夢見屋 (已結業)

周末晏起身，出得门口已过2点，本来念住去食寿司，但之前一晚睇完"孤独的美食家",好想食绿茶甜品。妹子提议去新开嘅梦见屋，我地即时动身，向上环出发。去到发现竟然有下午茶时段，好似几抵食咁.....我地3个人叫左3个下午茶餐，一个咖喱饭，一个意粉，一个pizza. 先要讲下d service，佢有6 个侍应，其实有非常充裕人手,可惜系只有两个人可以落order同入机,结果净系等落单都等左好耐。送餐亦非常有趣,明明有托盘,但系偏偏唔用,系要直接用手揸住只碟同杯送餐。食物方面,咖喱炸鸡饭嘅咖喱汁几好味,不过炸鸡麻麻地,好油淋淋。饭嘅份量亦唔够。卡邦尼意粉嘅汁够creamy,意粉唔萛太林,萛系三个之中最好食。pizza真系好唔得吓,严格讲,佢系一块饼上面放茄汁芝士同火腿。个人唔钟意咁样嘅pizza, 个底好硬唔脆, 味道唔够芝士, 三款之中最差。跟餐有饮品, 另外可加钱要特饮。我地要左一杯热咖啡,一杯热绿茶, 一杯绿茶雪糕新地。饮品问题系热饮唔够热, 特别系咖啡, 直情唔热。