桃花源 (已搬遷) 新店位置

今日去左午餐食蛇+ 小菜，食品我只觉得一般( 所以唔讲喇) ，不过就同场加演一只手板咁大倒既老鼠由厨房方向走向人群，好多客就向外逃跑+ 尖叫。都几得意架，直至果只老鼠由地上跳上我后面个盛载" 干净" 碗碟既台面，轻盈地走过所有碗碟之后再落地消失在人海中。最经典系楼面姐姐同我讲：『唔洗惊㖞，我地呢d 地舖，有老鼠好平常姐。』佢跟住面不改容咁张d " 经老鼠行过既" 碗碟继续供应俾所有新既客人用。小弟听闻呢间店乃前恒生头厨退休自己出黎开既店，我好多世叔伯都话用佢做饭堂，今次真系有d 失望所以先会写我第一个" 喊" 既食评。