寶寶廚屋

营业中

休息中

又系孤独的美食家出场，中午放饭行元朗睇下有乜新野或未食过既试下，行过呢间宝宝厨屋新开左唔系好耐，门口有餐牌睇到食物都系现今新型冰室果类，有位应该系老板娘既店员系门口都热情招待，咁就入去试试啦。坐底后店员都系好热情招待安排坐位，老板娘都有推介d食物，不过我巡例都睇下有咩岩食先，顺便讲讲店内墙上都贴晒d猫猫狗狗既相，店主应该系爱猫之人，门口个招牌都咁大只猫几得意，另外再加d食物相，好多食物都系d特色包类。红酒烩牛尾意粉今日就试下呢个厨师推介午餐，先讲讲牛尾有3旧，煮得都几腍，意粉都唔会好腍，够爽口几岩我，不过调味就轻手d，比较淡，问老板娘有无辣椒仔调下味佢话只有辣椒油，都照加啦，辣椒油都几香加完好食d。冻柠茶跟餐加3蚊要冻饮，叫少甜，茶味比较淡，普通。另外每张枱都见到一大樽野，系茉莉花茶，试饮左一杯，有淡淡花香，有d似无糖绿茶果种，而且无限添饮，都几有心思。总之黎讲店员好招呼，食物以今日食呢份红酒牛尾意粉黎讲就比较普通d，见到d包餐都好有特色，有机会再试。