FRITES Belgium on Tap (西九匯)

营业中

休息中

今日突然之间好想食青口，当然嚟到呢一间食青口好出名嘅餐厅，大角咀呢一间距离奥运地铁站嘅距离都可以话非常之近，完全唔需要经过任何室内嘅地方就可以直接去到。呢一间餐厅夜晚嘅时候又或者系日光嘅时候个感觉都非常之chill，亦会成日见到好多外国人喺度happy hour。今次除咗嗌咗佢哋最经典嘅青口之外都嗌咗佢哋嘅牛扒薯条。经典青口加咗白酒入去住，每一粒青口都好香好索汁，最钟意系佢隔篱𠮶个孙总面包，点埋啲汁食真系一流。而牛扒薯条就麻麻哋，主要系因为佢块牛扒个调味有啲寡，所以下次都系带返正常一块块嘅牛扒比较好，不过成个餐厅嘅气氛都非常之悠闲同埋欢乐，希望下次可以试到佢哋其他嘅饮品同菜式。