浪．居酒屋 (已結業)

铜锣湾Midtown原来开左间装修咁有feel，咁高档嘅居酒屋，今日同朋友发现之后二话不说就入左去。今日拣左啲前菜、寿司、卷物、仲有嘅鸡肉锅。咁啱夜晚有客人生日，全场获派清酒一杯，一齐干杯嘅感觉非常正啊！今次试呢款Nami卷，比较难同朋友share，所以一人一件比较好。食落味道都系几丰富，有葱拖罗、三文鱼籽呢啲。另外仲有鱼饼、海鲜沙律。寿司我地拣左剑鱼腩、油甘鱼呢啲比较多鱼油嘅鱼，味道都几满意，都几新鲜。鸡肉锅就几大份，有鱼蛋、鸡肉丸、豆腐、菇、菜、饺子🥟等等，不过味道就比较咸。最后落埋个乌冬真系饱晒！呢度仲有好多其他食物，下次再试！