鳳園冰室

营业中

休息中

上个礼拜六和女友行完飞鹅山经沙田坳道落番去准备到东华三院黄大仙医院探病，望下钟又未到探访时间，咁就揾间餐厅食个下午茶先。误打误撞记发现呢间餐厅，装下入面见到细细间但都算干净企理，咁就入去试吓！一坐低就见隔离枱有个貌似林敏聪嘅哥仔食紧碟粟米六粒饭、凭住佢嘅卖相已经有少少惊喜，可能林敏聪𥄫到我偷望佢碟饭、佢就以熟客嘅口吻推介话呢个粟米六粒饭掂呀！我就话睇得出啦！😅之后佢再推荐呢度嘅咖哩吉列猪扒饭仲正，当时就决定下次一定要试吓啦！咁我和女友就食咗西多士餐和餐肉蛋三文治，两样都ok好食、而我杯茶走少甜都唔错🤗满足后就啱啱够钟行返医院探妈妈！今日又到医院探望后，带家姐去到餐厅、正值午饭时间（1:30pm)望见高朋满座，只好行过对面嘅友诚闲逛打发时间。过咗十分钟再返去就有位了！第一时间梗系叫个咖哩超列猪扒饭啦！可能真系即刻整嘅关系，等嘅时候比其他人嘅食物耐，心谂好食嘅嘢系值得等嘅。😋终于出场啦，卖相都可以，咖哩味道比一般茶餐厅认真，只系我觉得可以多番少少汁🤏而吉列猪扒炸得松脆带有肉汁，整体来讲算中上水准！但系下次再食可能会试吓咖哩牛腩或鸡扒😋美中不足嘅系如果价钱可以再平啲就完美喇！