開飯主義

营业中

休息中

好耐无放过星期六喇，虽然家住北区，但十分喜欢行下大埔，买餐靓𩠌。买𩠌前紧系要食下野，熟食中心食到闷闷地，今日就行去对面公园仔附近揾食。见呢间好多人下，就入去帮衬下啦，好好彩，最后一张枱俾我地坐到。最初以为系一般茶记，打开餐牌竟然有好多选择，有d都好特别，尤其系包类；但今日系食lunch，一行三人都系芝士fans，所以点左劲多芝士嘅溶岩系列。我点左个芝士焗肉酱焗猪扒饭，面头舖满拉丝芝士，上枱前已加巴马臣芝士粉，令芝士更香浓，猪扒够软淋又有肉汁，肉酱很出色，一般快餐都系用急冻的红罗白粒粒，但呢间小店竟然系自己切，仲要系幼粒，食落爽口不会淋晒，可见厨师的心机认真。跟饭有半个奶油猪，真的好好食，外酥内软，跟餐都咁认真，难得。同行的点左阿差咖哩牛肋焗饭，试了一咖哩汁饭，咖哩香浓到位，牛肋肉似是慢煮的，淋得黎又唔会烂晒。仲有叫左个烧牛肉芝士黑椒意粉，我没有试，但闻到好香黑椒味，同埋清晒碟就知好食。由于见到d包好吸引，所以叫左一份肉松芝蛋吐司开心share，吐司仲涂了花生酱配搭新，且真的好美味，下次下午茶一定要自己食一份。最后想讲嘅系呢度嘅柠茶好香柠檬味，完。