Blacksmith Coffee Shop (已結業)

入西贡行山前先喺市区食个丰富早餐，10点钟就到，唔需要等位，再迟少少就要等啦。见好多人都叫早餐set，$60左右有份早餐加即冲咖啡，价钱好似好抵，但个份量真系太少，应该无人会食得饱，味道方便就ok嘅，无乜特别。三文鱼bagel系单点，份量就正常啦，味道亦好好，焗到脆脆地嘅bagel，加上烟三文鱼、cream cheese、capers呢个黄金组合，食完都觉得充满力量！至于话佢有心，系因为佢full breakfast入面嘅茄汁豆竟然系自己整，唔系罐头，好似罗宋汤煮豆咁，而其他配料就正正常常。整体黎讲就系一般小店cafe嘅水准，价钱唔算平，要食得饱都要每人$120，但野食好食，咖啡都好饮，再去西贡都应该会再帮衬。