2 Good Bakery

营业中

休息中

朋友搬屋，早两日陪佢去永安买家庭用品。行到攰攰地想揾地方坐下，无意中发现咗附近一间有heart嘅蛋糕甜品小店。本身系榴梿迷，又钟意食芝士蛋糕，见到有榴梿巴斯克芝士蛋糕，急不及待就叫咗一件，朋友就拣咗芋泥芝士蛋糕。蛋糕卖相唔错，榴梿味好浓，又香又甜。配埋个芝士蛋糕底，味道一流，一次过满足晒我两个愿望。朋友件芋泥芝士蛋糕都好香滑，味道唔会太甜，食到舔舔脷。小店仲有手工制月饼卖，即场就买咗一盒七星伴月，带返屋企夜晚同家人一齐品尝。月饼个皮好松化，八个月饼啲奶黄馅味道唔同，每一种味都好突出。除咗榴梿味之外，我自己就最钟意伯爵茶嘅香味，今日专诚再去买多一盒伯爵茶月饼encore。呢间小店嘅出品全部都由舖头老板自家手工新鲜制作，全部少糖健康，非常有心。每款蛋糕都香、软、滑，仲可以预订生日蛋糕，值得再去帮衬。