Second Bite Bar & Grill (已結業)

近年长沙湾区兴建了很多大型屋邨同住宅楼宇， 于是吸引了一些特色铺头同食肆进驻此带， 当中包括开业数月的Second Bite， 每次经过都想试下， 择日不如撞日，就今晚约朋友去食。餐厅布置简单雅致，墙上挂了几张壁画， 加添几分欧陆风味，个人劲钟意餐桌的大理石花纹， 好衬个装修 ，时尚又美观。这里主打手抓海鲜特色料理， 但朋友唔系好想食海鲜，所以我们点了两份主菜和一份简单小食。大虾浓汁意粉~ 色泽漂亮， 鲜虾大大只， 意粉弹牙有嚼劲， 加入唔同海鲜配料，成碟意粉就好似饮紧虾汤咁鲜味浓郁， 劲正 。鲜蚬忌廉意粉~ 个人最爱忌廉汁，贪佢清清甜甜，而呢度个汁够香滑，浓淡适中唔杰，蚬肉亦煮得软身，好creamy好好味。招牌风味辣鸡翼~ 卖相唔错， 热辣辣食劲正， 简单小吃都可以津津有味，无得输。店舖唔算大，虽然位置偏僻，但系估唔到， 食物质素几好， 加上不断推广新菜式， 咁有heart的用心食店， 一定要来Second Bite再尝一口， 下次嚟必拣手抓海鲜食，好期待啊~呵呵。