完美咖啡室 (已結業)

今日行完298，见落紧毛毛雨，想揾个地方坐下，就入左呢间蛋糕舖，试左佢地新出的冧酒提子蛋糕。蛋糕外型同颜色都好靓，味道几好，酒味同提子味好夹，同埋唔会太甜。个皮系白朱古力整的，软软地口感好特别，本身我唔钟意食白朱古力，但呢个我ok。而且$38有呢个质素相当唔错！见到佢仲有好多其他蛋糕，如opera 等等，同埋野饮都有唔少选择，有机会都想试下。舖头好似系新开，座位唔多但整洁舒适。晏昼好似仲有其他咸野食。