想甜嚐甜 (已結業)

去黄大仙明记食牛腩河，依然甘好食。食完同朋友想揾间甜品店倾下计，系蒲岗村路大路地下见到间新甜品店，就入去试下。结果，有惊喜!!!紫薯控的我试左个紫薯心太软，即焗的心太软外皮松脆，紫色紫薯汁好似岩浆甘流出黎，个雪糕原来系老板特别调配的荔枝玫瑰味乳酪，淡淡花香加埋个心太软非常夹。连个摆碟都非常有心思，有D细花仔加黑色石板碟。朋友好似食极唔肥甘，叫左个香蕉松饼同芒果奶冻。香蕉松饼有焦糖烧香蕉，热腾腾岩岩焗好的松饼，配个荔枝玫瑰味乳酪，又系好夹。个芒果奶冻，D芒果好甜，粒粒都好饱满，个奶冻唔太糖，而且奶味好浓。旧区难得一见有诚意小店。