Yoppi (已結業)

话说呢间Froyo店比crumbs更加近我，而且见佢成日都几多人排队，是日食完lunch又黎买杯试下。大概 4 点几 5 点都几多人排队，而且佢入面得一个人手系度"吱" yogurt，另一个加就加toppings，所以都要等得几耐下，排队加等食物都差唔多15分钟。是日味道一系原味一系荔枝味，我呢d稳阵派当然选择原味啦，toppings看似有好多选择，不过有成 1/3 至一半都系sold out，即系可以选择既唔多。最后我就要左原味 + 荔枝肉，3只size 要左mini size。对我黎讲mini size已经够哂，$18 都几平，不过食落我就麻麻地钟意。一样够冻，酸度都ok，无咩奶味的。不过我觉得佢质感好似实左D，唔太滑呢~ 而且D荔枝肉系罐头货？劲甜好似浸左落D糖水度咁... 嗯... 麻麻地。呢间个人觉得一般，未必会再试，原来有另一间熊猫Froyo新开又系好近我，下次又试下先。