第三站

麦花臣踢完波， 上咗对面金鸡广场嘅cafe医肚兼休息下。 日头自然光充足够晒光猛。Pepe上面有个掣， 侍应随传随到。餐牌以简单西餐为主。海鲜拼盘包含鱼手指、炸虾、炸蟹钳、炸带子、鱿鱼圈，虽然系可以喺超市买到嘅急冻货，但系新鲜滚热辣炸起，绝不马虎。鸡翼焗得好香，皮带少少焦香，咬开肉汁丰富，配埋蜜糖有BBQ风味。蟹肉都几多，同忌廉好夹，连埋黄椒食唔会腻，意粉软硬适中。黑松露味刚刚好，唔会太抢，带子细细粒，虽然唔系刺身级，但冇雪味又唔韧，饭都算烟韧，冇煮过火。特浓朱古力真系浓过茶记，但甜左少少。咖啡同朱古力比例刚刚好，冇盖过对方，但都系甜左啲。