Wagyu Ya (已結業)

之前食开韩烧，今日我就同朋友试下食高级嘅日本和牛，因为我哋大家都知道食日本和牛烧， 最紧要就系佢啲牛肉新鲜，其实一食就食到㗎啦，冇得吹水。 一入到去舖头啲装修都几有日本高级店𠮶种风格， 同埋佢入面啲炉仔，我觉得真系几得意。 咁我哋叫咗:肉食者: 包括有四个精选部位，各3片，有牛脷、肉眼，西冷和三角腩， 咁我就介绍下我食嘅感觉啦， 食牛脷和三角腩我觉得佢个肉质比较弹牙， 而肉眼同西冷我觉得感觉都差唔多，西冷口感及味道更胜其他， 佢𠮶个肉同脂肪混合一齐系都几和味，啲牛真系几新鲜，同埋如果你点埋佢𠮶酱，我觉得会更加滋味。 本人就较钟意三角腩和西冷。 Wagyu Don： 食完和牛咁就当然想试吓新鲜嘅丼， 食材有熊本和王和牛， 鹅肝、海胆、舌拿鱼、三文鱼籽， 呢个刺身我觉得都好新鲜，尤其是海胆，因为海胆的而且确好鲜甜真系好似啱啱喺海度剥出嚟畀你食咁样。 我自己觉得佢啲材料真系好似系日本直送𠮶啲咁样，所以个价钱其实会比出面贵少少， 但我觉得所有食材都系有quality的。最后如果大家想试下日本和牛烧烤嘅话可以试下呢一间，因为我觉得佢食和牛真系出名嘅，大家可以欣赏下我啲图 ，咁你就会知道。