Mee...lemongrass (彩園廣場) (已結業)

同朋友约埋一齐食饭，由于朋友住上水，咁我补完习都差唔多时间，就黎左呢间泰式餐厅食饭。好奇点解个个都拎住手摇饮品，原来餐厅出面做埋手摇饮品。叫左鸡牛串烧，岩岩上到有小小热，要睇住食，应该系即叫即烧，好野味香口！隔离仲有几块烧多士，食埋都几饱肚。系青衣城果间成日食唔到龙虾面，今次系上水终于食到，好大只，面同米粉又多，个喇沙好香，又唔会辣龙虾仲有膏添个炭烧猪扒同样热热地送上黎，加埋脆口的蒜片配搭，香口，我钟意个辣汁，食落唔会好辣，系港人接受到嘅辣度！再黎系个马拉盏炒通菜，味道啱啱好，唔会好咸，加埋蒜片食口感好好。最后，系椰汁千层糕，钟意食斑兰味嘅朋友记得叫埋呢个XD我朋友好钟意！