新竹園軒

营业中

休息中

约咗好耐冇见嘅朋友聚餐食午饭，方便大家集合拣咗系尖沙咀食饭，于是就嚟《新竹园轩》，餐厅食物好味，坐得又舒服，好适合一路食一路倾偈。我哋叫咗七样嘢，食到舔舔脷，肚满肠肥😙😆咸鱼蓉煎肉饼咸咸香香香味，十足嘅咸鱼蓉煎肉饼，肉饼外面煎到香脆，肉汁锁晒喺肉饼入边，食落去非常湿润，咸鱼好足料好友咸鱼香味。怀旧蛋挞仔，而家好少酒楼有蛋挞食，仲系我最钟意嘅牛油皮，蛋挞焗得得非常靓，超香浓牛油味嘅牛油皮，家又滑又香甜嘅蛋，食到舔舔脷👅！ 烧汁茄子🍆茄子大大件酿上鲮鱼肉，茄子煎到甘香外皮香脆，水份💧锁晒喺茄子入面，再淋上烧汁加木鱼干，多左种日式风味。豉汁蒸凤爪系去茶楼必食嘅豉汁蒸凤爪，凤爪酱汁好惹味，肉有够淋，好容易骨肉分离，鸡脚筋够晒烟韧好有咬口，一道菜里面有多种口感。鲜虾韭菜饺，晶莹剔透嘅饺皮入边包满住爽口鲜虾和味道浓郁韭菜，皮薄馅靓，厨师果然有功架！饺皮烟烟韧韧好有弹性，配埋爽脆嘅鲜虾和有咬口嘅韭菜，口感超级丰富，最重要系真系好好味。黄金南瓜条咬落去脆卜卜，入边南瓜蓉鲜甜又软绵绵，钟意食南瓜嘅我当然唔会放过。惹味烧汁杂菌牛柳粒，杂菌同牛柳肉非常夹。每一件杂菌和牛柳粒都包满烧汁，用嚟送饭食非常一流。