米走雞Live

营业中

休息中

有一日朋友话打边炉，话之前工作一直好忙，都好耐冇同我一齐出嚟逛街、食饭，我哋就约咗礼拜晚上去观塘附近逛街食饭。然后我哋喺观塘揾到呢间米走鸡Live，感觉环境都唔错，决定嚟呢度食晚餐。呢度有鸡煲同火锅选择，有一味睇住个名就好吸引我，【蒜蓉卜卜蚬锅】，听落就非常得意。蒜蓉卜卜蚬锅有浓郁嘅蒜蓉香，然后有蚬同白萝卜，成锅汤系非常鲜香，好好饮，仲未同其他料一齐煮，就已经流口水。感觉牛肉好适合配住呢个汤底一齐食，就拣咗【澳洲顶级和牛封门柳】，色泽好吸引，好惹味，油脂好多，而且仲好新鲜，口感系非常鲜嫩。然后搭配蚬汤嘅海鲜味，仲有【蟹籽鲜虾滑】，食住好弹，然后就系一个字，鲜！真系好正！牛柏叶亦都好唔错，每一口都系汤底嘅鲜味，再配上佢滑嫩嘅口感，真系非常享受！为咗尝试唔同嘅口感，朋友仲多叫咗一碗【脆炸哈虾饼】。炸得真系非常香脆，入面嘅虾肉亦都好新鲜，肉质都系好弹，再沾上辣酱，简直绝配！！朋友话食得好饱，好满足，呢度嘅食物真系一流！