影片
更多
2010-08-03
61 浏览
星期六约左朋友去湾仔附近行街，咁就顺便揾下有咩食，之前有朋友介绍湾仔有间新餐厅系佢个亲戚开，咁就去捧下场，于是乎由合和行番落去汕头街，间餐厅就系街尾幢大厦上一层。上到去，餐厅布置舒服，而由于时间尚早，得我地一枱，餐厅经理好快就黎招呼同埋介绍佢地个餐单。晚餐 $340有3个courses加埋汤，系湾仔区食西餐都算合理。头盘我拣左焗蜗牛，而友人拣左三文鱼他他。我个蜗牛充满蒜蓉味好香，而个薯蓉伴碟亦都好绵同滑；友人个三文鱼他他，我食左少少，觉得d三文鱼都几新鲜。食完头盘就上埋个汤，我拣左洋葱汤，友人拣左蟹汤，2个汤都好味﹗食完头2样都觉得间餐厅嘅野食都ok，而对主菜就更加期待。之后餐厅经理拎左个sorbet话俾我地清清口腔d味先再食主菜，又几正宗西餐feel㖞﹗主菜我拣左烧羊架，友人拣左鸭腿伴青苹果沙律，等左一阵终于都上喇﹗个羊架好滑同埋冇咩膻味，可能我钟意食羊，所以唔觉有膻味。而友人个鸭腿就好吸引，我又食左少少，第一口觉得偏咸，但第二口加埋d青苹果沙律先食个感觉即刻唔同晒，沙律中和左鸭腿嘅咸味，个感觉好fresh﹗除左主菜仲有side dish，分别拣左spinach soufflé同埋m
晚餐 $340有3个courses加埋汤，系湾仔区食西餐都算合理。头盘我拣左焗蜗牛，而友人拣左三文鱼他他。我个蜗牛充满蒜蓉味好香，而个薯蓉伴碟亦都好绵同滑；友人个三文鱼他他，我食左少少，觉得d三文鱼都几新鲜。食完头盘就上埋个汤，我拣左洋葱汤，友人拣左蟹汤，2个汤都好味﹗食完头2样都觉得间餐厅嘅野食都ok，而对主菜就更加期待。
之后餐厅经理拎左个sorbet话俾我地清清口腔d味先再食主菜，又几正宗西餐feel㖞﹗
主菜我拣左烧羊架，友人拣左鸭腿伴青苹果沙律，等左一阵终于都上喇﹗个羊架好滑同埋冇咩膻味，可能我钟意食羊，所以唔觉有膻味。而友人个鸭腿就好吸引，我又食左少少，第一口觉得偏咸，但第二口加埋d青苹果沙律先食个感觉即刻唔同晒，沙律中和左鸭腿嘅咸味，个感觉好fresh﹗除左主菜仲有side dish，分别拣左spinach soufflé同埋mix vegetable，个spinach souffle好特别，有少少似奶油焗波菜果d feel，食晒咁多野样之后已经好饱，所以叫餐厅经理等一阵先上甜品。
落左格之后，甜品我就拣左apple crumble，友人拣左strawberry panna cotta。Apple crumble加埋雪糕，不是太甜又有口感；友人个panna cotta加埋士多啤梨啫喱，呢个配搭好新鲜而又唔会太漏！
食晒所有野之后，除左觉得好饱之外，就系d野食都好ok，而我同友人都觉得$340唔洗加一有咁多野食，好抵食，值得推介，跟住即刻打番电话俾个朋友仔赞佢冇介绍错﹗
张贴
