必勝客 (已結業)

本来上星期已经约定食饭,但有朋友临时有事,改左今日,终于食到喇我地去左pizza hut食下午茶,由于有一个朋友系唔食meat,所以我地3个女仔叫左"蒜蓉包:迷你大虾沙律(下午茶餐)吞拿鱼烟肉肠螺丝粉(走烟肉肠)千岛海鲜大厚批2杯百事同1杯碎冰朱古力估唔到7地3个女仔都可以咁大食首先黎0既蒜蓉包好好食,热辣辣,软绵绵,真系好ok㖞~跟住系个迷你大虾沙律,真系超迷你,而且系开边小虾,份量可以多番d,但味道唔错,之后就系千岛海鲜批同埋螺丝粉,千岛海鲜唔系好够千岛酱,搞到有d似千岛海鲜同至尊0既混合体,海鲜都几足料,d𩠌分布得几平均,啖啖pizza都有𩠌,yeah但个螺丝粉有少少失望,唔知系咪落得太多吞拿鱼,个粉好腥,唔系咁好食,仲有个汁好稀,个汁同d粉系分开0既,呢个真系麻麻地但总括黎讲d食物都ok好食,同埋依家d百事可以免费添饮,如果唔系太多人0既话,d waiter就会好主动咁拎住 1 jar 百事周围帮人添饮,,都几好吖,我地坐左成两个几钟,净系我都饮左3杯,慢慢饮,慢慢倾,佢地都唔会赶你走,但我地都唔会过份,差唔多时间就会走,费事阻住人地晚市啦