影片
更多
2009-02-09
38 浏览
好耐冇写食评。次次食完影埋都唔得闲写。不过返来香港都半年，食来食去都系屋企附近，已经食愤左，已经觉得冇乜特别。新年红色假完左，系时候揾班friend出来聚旧。本来打算去贵d既酒店食buffet，不过有人话唔抵，另一个又话新年时食得好饱。结果左稔右稔，有friend提议咦度。见过食评唔差，价钱都ok，就决定来试下。因为挂住倾计，仲要喂个小朋友食野，结果反而自己食得唔多。不过样样既质素都唔错，有d仲几有水准:1.冷盘-- 只食左龙虾仔同翡翠螺，唔错㖞，细细只龙虾仔都几甜，螺就几大只亦新鲜。仲有青口同虾，不过冇试。2.头盘-- 个海鲜沙律杯真系唔错， 必食之选。烟三文鱼几好㖞，好香烟熏味，可以话好过好多大酒店。赞!! 寿司就一般啦，不过最好既系唔会俾人整到成盘都系，食到完场时仲好新鲜好完整(因为只顾同人讲野，好尾先食佢) 其实仲有好多，不过食唔完，我个人觉得最差系个豆腐，佢加左d辣酱系面，唉...多此一举。3. 热盘-- 虽然唔系话好多盘，成张枱好似得12盘左右，不过胜在样样都在水准或以上，而且唔会重复，食完一盘立即换另一个菜，所以成晚大大话话都
新年红色假完左，系时候揾班friend出来聚旧。本来打算去贵d既酒店食buffet，不过有人话唔抵，另一个又话新年时食得好饱。结果左稔右稔，有friend提议咦度。见过食评唔差，价钱都ok，就决定来试下。
因为挂住倾计，仲要喂个小朋友食野，结果反而自己食得唔多。不过样样既质素都唔错，有d仲几有水准:
1.冷盘-- 只食左龙虾仔同翡翠螺，唔错㖞，细细只龙虾仔都几甜，螺就几大只亦新鲜。仲有青口同虾，不过冇试。
2.头盘-- 个海鲜沙律杯真系唔错， 必食之选。烟三文鱼几好㖞，好香烟熏味，可以话好过好多大酒店。赞!! 寿司就一般啦，不过最好既系唔会俾人整到成盘都系，食到完场时仲好新鲜好完整(因为只顾同人讲野，好尾先食佢)
其实仲有好多，不过食唔完，我个人觉得最差系个豆腐，佢加左d辣酱系面，唉...多此一举。
3. 热盘-- 虽然唔系话好多盘，成张枱好似得12盘左右，不过胜在样样都在水准或以上，而且唔会重复，食完一盘立即换另一个菜，所以成晚大大话话都出左成18-20热盘。如果有屋企人唔好冷盘都唔怕佢冇野食。另外佢有一煲咖哩鸡，可以配椰香饭、薄饼or"算"蓉饱。三样都几好食，个咖哩鸡唔会辣，因为佢落左好多蕃茄，所以怕辣既都可以试下。
个人觉得最好食既系烩茄子(唔记得个名), 串烧(唔知系咩嚟架，外表好似好硬，不过又唔会㖞，有d似食软身d既牛肉干，不过好好味)，炸鱼柳(唔鯹，配tartar sauce仲好好味)同日式炒饭(我个麻烦宝贝仔竟然食晒就知个饭唔差)
4.主菜-- 有烤牛仔肉同羊架。本人冇时间食，不过个friend食完话牛仔肉唔得, 不过羊架就好好味。
5.甜品-- 选择唔多，不过都唔错㖞。有旦散....系, 系旦散，唔系闹紧人。唔好睇佢好似咁普通，好好食㖞，唔会太甜，香香脆脆。正!!。因为时间关系，佢亦唔系好多款cake俾我试，不过个迷你蛋卷同个迷你cheese cake真系唔错另外有两煲糖水: 红豆 同紫米，个紫米好香，食落ok。仲有朱古力喷泉俾你玩，可以沾士多卑利同棉花糖，我个仔食左好多个呢。当然仲有雪糕啦。
6. 其他-- 烤牛肉羊架隔离有档粉面，冇食到不过好想试，有肥牛、丸、水饺等俾你选。另外见d friend像汤(有中西两样汤)同面包，d面包好似好软咁㖞。
菜式好过好多酒店buffet，但价钱实惠。唯独可能我地人多左少少，安排中间位真系有点嘈。d waitress 同waiter好好服务tim，我一入来，佢见我有个bb，即刻夹左盘jelly俾佢。我地倾计倾到成10点几11点，d客都走晒都冇人骚扰我地赶我地走，反而系我地自己唔好意思揽到人地收唔到野。一直到走佢地都好好礼貌。翻来香港食野，最好礼貌系今次囖。
埋单4个人以上有85折，抵!! 决定阿妈生日时再去过。下次book定个梳化窗口位。
张贴