鳥棲日本料理 (已結業)

事缘我有朋友去开呢间餐厅食晏，佢知我想同女女庆祝生日，所以大力推荐呢间餐厅比我（book台时同职员讲庆祝生日会有心太软一个送）当晚我地一行6人准时7点半入座，我地分别点左2个2人餐同埋一啲前菜、串烧同小食咁，上菜速度都正常既，最紧要系啲食物真系好食既，重点系啲食物唔会太肥太油腻，职员服务态度系几好，见到你无水唔使叫都会同你加，主动执走你唔要既野，同埋佢地真系好细心，小女得7岁，但当中有两个锅，佢地都好细心咁专登将个炉离远小朋友，呢点真系唔系好多餐厅会留意；讲返食物，基本上每一样野都有一定水准，无乜好挑剔既，但呢个「帆立贝北海烧」同埋「原条鳗鱼炒饭」呢2个真系必食炒饭唔会太干（有啲鳗鱼汁喺度）原条肥美鳗鱼铺喺炒饭面，卖相吸引！而鳗鱼肉厚肥美，每粒饭都充满咬口👍🏻👍🏻而且我女女好怕食腥既野，平时屋企蒸鱼或煎鱼都唔会食，当晚佢一个人食左一大碗鳗鱼饭，仲想再添食，可惜已经平均分哂6个人🤣🤣「帆立贝北海烧」原只带壳帆立贝，面头上铺满师傅自己调教既酱，再洒上蟹籽，卖相吸引之余，味道仲相当好，我地叫左3个，每一个都食得干干净净一滴汁酱都无剩！仲有啲食物系因为小朋友们太肚饿所以影唔切，不过总括来说，呢