陶源酒家 (已結業)

星期日同朋友去陶源饮茶，中午都唔算好多人，好快有位。坐底就叫点心，呢度啲点心都几有特式。👉🏼虾肠呢碟虾肠个样好靓，见啲虾好大只，但就只得6件，真系手快有手慢无。肠粉皮薄，系几好食嘅。👉🏼虾饺又系大粒虾喺中间，味道唔错。👉🏼烧卖都系一般酒楼食到嘅味道，唔会有几大分别。👉🏼菜饺味道ok但啲皮好软身，同啲爽爽嘅涵好唔夹，有啲怪。👉🏼樱花虾炒饭呢个饭我会推介，因为炒得香之余亦唔油，樱花虾都唔少，咬落去脆脆地，几得意。