明記咖啡糖水小食 (已結業)

一班人夜晚食完饭冇嘢做就梗系一齐去食糖水！呢间糖水舖我同朋友夜妈妈平时聚会倾计都会去食 因为其他铺头收晒佢都未收😂 我哋通常会一人嗌一个糖水 我就比较钟意食杨枝甘露 因为佢酸酸甜甜咁 但就要睇返食嘅季节芒果当唔当造 如果唔系有时就会好酸。 另外如果系夏天嘅话我都会拣绵绵冰 因为系几软同埋几清新 而且仲有好多款唔同味俾我拣 而且其他配料例如珍珠，QQ果都可以另外加！