Passion (已搬遷) 新店位置

同朋友系湾仔食完lunch唔够喉想食甜品，于是就尼到衣家有大大个甜品柜同几多款唔同野食既cafe，衣度既甜品柜相信系女仔见到都无法抗拒，本人亦唔例外。三点几去到间舖已经坐满晒人，仲有啲人等紧位，不过等左一阵好快就有位。有啲肚饿所以叫左个沙律，甜品就拣左拿破仑。Mille Feuille卖相已经好吸引，上层系云喱嗱味，下层拖肥味非常突出，好香浓，酥皮好松脆，成个甜品唔会太甜。Salad细salad可以拣三个款，我拣左鸡肉，通粉同红菜头。红菜头个人认为有啲酸，不过酸酸地几开胃。通粉沙律系大大料贝壳粉捞埋啲沙律酱，啲沙律酱好好味配埋啲粉好正。鸡肉沙律有好多碎左既西芹，个沙律酱同通粉果只既味差唔多。