Lagom Kaffe (已結業)

上网睇到呢间近观塘海滨嘅cafe空间感十足，于是决定同好耐冇见嘅朋友黎食dinner，方便畅谈一番！我哋六点都未够，已经入咗去所以餐厅未系好多人。但其实店舖好大，座位唔会坐到好逼。如果一大班朋友嚟食饭都好适合我同朋友两个人，叫咗一个沙律、一个意粉、同一个猪扒。蜜糖烧鸡凯撒沙律沙律入面嘅罗马生菜几甜。蜜糖烧鸡亦煮得啱啱好，烧鸡嘅皮煎到脆一脆，亦有好香嘅蜜糖味，而鸡肉仍保持住足够肉汁。凯撒沙律酱调味亦都唔错避风塘软壳蟹意粉首先要赞一赞佢卖相几好。而且加上避风塘嘅料令到个意粉好惹味，再加上蔬菜令到味道层次更加丰富。软壳蟹亦真系炸到外脆内软！ 份量都好足够酸醋汁香煎猪鞍骨猪扒肉好厚，厨师烹调个熟度啱啱好，你睇吓仲见到有肉汁㗎！本身猪扒嘅调味已经好够，但系如果你钟意食酸嘢嘅，可以再加埋佢个酸醋汁，味道更丰富。另外都要赞一赞佢个菠萝好鲜甜，令到成个菜式更加fresh总括嚟讲，今晚成个用餐体验都几好，特别欣赏佢空间够大。下次如果有成班朋友食饭，一定会嚟呢度！