彩興來來火鍋 (已結業)

朋友新屋入伙， 参观完人哋屋企，食餐好嘅。 天气又变冻， 打边炉啱晒。配料多元化 又有麻辣酱，又有辣酱， 生蒜熟蒜必备， 最重要有指天椒， 手剁碎椒， 辣味十足。汤底黄金鸡汤， 花胶，冬虫草同埋鲜鸡。 最估佢唔到 ，系会喺你面前， 烹调比你睇。 现场感十足， 煮完之后，个汤底一啲都唔油腻， 仲好香鸡味。个汤一滚起，唔使谂， 一定系饮咗个汤先， 清鸡汤嘅味道，有啲花胶黏口嘅感觉。 你开始打边炉， 已经可以食窝里面嘅嘢。我哋就叫咗午餐肉， 猪肉豆卜， 即炸响铃， 黑毛猪， 四宝丸同油麦菜。 估唔到样样都咁大份，抵食满分。 好大罐午餐肉，正。肉嘅部份够晒弹牙。又要大大份。即炸响铃， 新鲜即做，味道系唔同啲， 够晒脆。黑毛猪四宝丸系四种创意新丸， 功夫菜，食落口粒粒弹牙， 最惊喜系有柚子味，出面边会食到， 但又估唔到咁夹。咁嘅份量四个人食都够晒。