影片
更多
2023-09-04
239 浏览
🐙容记第一咀容记第一咀其实即系椒盐炸墨鱼咀，粒粒都好似乒乓波咁大，而且炸浆又薄又脆。咬落去十分之juicy，十分推介！好多餐厅都有椒盐尤鱼须，但墨鱼嘴就唔多餐厅有啦，所以有机会嚟呢度不如试下吓呢个炸墨鱼咀。🍲容记小炒王容记小炒王系呢度嘅招牌菜之一，火喉同埋镬气都十足。大大只虾干非常香口配埋韭菜嘅爽脆，系一道非常值得推介畀大家嘅菜式！🥘海皇捞粉丝海皇捞粉丝份量十足，讲紧除咗粉丝多、切成丝嘅椰菜多，海鲜配料都非常多，有鱿鱼、虾米同虾等等，每夹一下都有好多海鲜。而且海皇捞粉丝系用煲仔上，十分之惹味同有镬气！🐟焗鱼肠老老实实，小编其实好钟意食焗鱼肠，因为味道真系好惹味而且好好送饭。但香港地唔系好多餐厅有做焗鱼肠，难得见到容记有焗鱼肠，咁当然要试下佢啦！焗鱼肠嘅鸡蛋唔会太老，外边脆卜卜，入边就嫩滑，鱼肠处理得几好，整体都整得唔错。🍮莲蓉西米焗布甸呢个传统嘅甜品又系越嚟越少地方有，所以今次见到就即刻顺便叫咗嚟试吓。呢度嘅焗布甸唔算好甜，个面少少㶶都算有以前食过嘅味道，而家传统菜式越来越少，真系要好好珍惜😆
容记第一咀其实即系椒盐炸墨鱼咀，粒粒都好似乒乓波咁大，而且炸浆又薄又脆。咬落去十分之juicy，十分推介！好多餐厅都有椒盐尤鱼须，但墨鱼嘴就唔多餐厅有啦，所以有机会嚟呢度不如试下吓呢个炸墨鱼咀。
🍲容记小炒王
容记小炒王系呢度嘅招牌菜之一，火喉同埋镬气都十足。大大只虾干非常香口配埋韭菜嘅爽脆，系一道非常值得推介畀大家嘅菜式！
🥘海皇捞粉丝
海皇捞粉丝份量十足，讲紧除咗粉丝多、切成丝嘅椰菜多，海鲜配料都非常多，有鱿鱼、虾米同虾等等，每夹一下都有好多海鲜。而且海皇捞粉丝系用煲仔上，十分之惹味同有镬气！
🐟焗鱼肠
老老实实，小编其实好钟意食焗鱼肠，因为味道真系好惹味而且好好送饭。但香港地唔系好多餐厅有做焗鱼肠，难得见到容记有焗鱼肠，咁当然要试下佢啦！焗鱼肠嘅鸡蛋唔会太老，外边脆卜卜，入边就嫩滑，鱼肠处理得几好，整体都整得唔错。
🍮莲蓉西米焗布甸
呢个传统嘅甜品又系越嚟越少地方有，所以今次见到就即刻顺便叫咗嚟试吓。呢度嘅焗布甸唔算好甜，个面少少㶶都算有以前食过嘅味道，而家传统菜式越来越少，真系要好好珍惜😆
张贴
