第三站

依加出左黎做野，好难约到朋友一齐出黎玩，唯有都系得闲约下知己朋友去旺角食野，朋友都有推介过依间cafe试下，话好坐得黎野唔难食，仲有board game玩。七点几去到都差唔多full house。入面位置都系梳化卡位，好舒适，唔会好逼，枱同枱之间都隔得远，具私稳度。野食方面都系有意粉、饭、小食、特饮等等既大路野，佢特饮方面个塔罗特饮几有创意，不过唔敢试。肉酱阔条面个份量充足，汁都够浓味，但唔系忌廉果种，啖啖都有肉碎，唔错。卡邦尼杂菌意粉都几挂汁，creamy程度岩岩好。蜜糖鸡翼既蜜糖味重，外脆入面都juicy，热辣辣食好滋味。芝士薯条份量多，不过比较淋身啲。榛子朱古力不会过甜，比较重榛子味，唔会饮完好漏Oreo奶昔饮落就相对甜啲，但都系正常甜度，啖啖Oreo食完之后仲可以慢慢坐，倾下计，过左一个好开心既晚上。总结，依间餐厅位置好好，方便就脚，而且野食质素OK，地方舒服，系同朋友群聚好地方。