影片
更多
2017-08-02
239 浏览
已是第二次来临 Tori-In! 上次只挂住食,冇影相.今次,全程相机行先!首先地点; 唔算隔涉,但当然都唔系啲特别旺区!交通都算方便,何文田地铁站B出口,步行几分钟就到.如果揸车,附近都有啲街位及电单车排位.装修; 间舖细细间,的的适适,应该最多容纳到 20 人左右.装修走简单舒适路线.全场白色为主,绿色点缀.红白格仔包皮圆灯.加添左时代感!正题; 因为我地一行8人,比较人多,所以一早 book 定位.老细态度有礼,咁岩当日攞左啲新鲜生猛龙虾同埋带子,重问我地岩唔岩食.预留比我地.带子就一人一只.都几大只.蒜蓉烧,非常鲜甜.龙虾就开边,一人半只.龙虾有膏加上熏烧0既香味,简直系回味无穷,谂起都食指大动!Tori-In 0既烧鳗鱼亦是一绝.单单鳗鱼,我地最少叫左 5-6 碟.当晚舖内所有鳗鱼比我地一扫而清.因为老细要求食物新鲜,所以每日存货唔会太多.基本上手快有,手慢冇,明天请早!另外不能不题,烧特级牛脷芯!此牛脷不同彼牛脷!老细用左牛脷最嫩果部分,再烧制而成!牛脷芯肉质幼嫩有弹性.鸡翼我食得唔少,无论系自家制定系外出用餐.但系味椒盐鸡翼肯定系我最中意之一.黎左两次,两次都忍唔住食完一
首先地点; 唔算隔涉,但当然都唔系啲特别旺区!交通都算方便,何文田地铁站B出口,步行几分钟就到.如果揸车,附近都有啲街位及电单车排位.
装修; 间舖细细间,的的适适,应该最多容纳到 20 人左右.装修走简单舒适路线.全场白色为主,绿色点缀.红白格仔包皮圆灯.加添左时代感!
正题; 因为我地一行8人,比较人多,所以一早 book 定位.老细态度有礼,咁岩当日攞左啲新鲜生猛龙虾同埋带子,重问我地岩唔岩食.预留比我地.带子就一人一只.都几大只.蒜蓉烧,非常鲜甜.龙虾就开边,一人半只.龙虾有膏加上熏烧0既香味,简直系回味无穷,谂起都食指大动!
Tori-In 0既烧鳗鱼亦是一绝.单单鳗鱼,我地最少叫左 5-6 碟.当晚舖内所有鳗鱼比我地一扫而清.因为老细要求食物新鲜,所以每日存货唔会太多.基本上手快有,手慢冇,明天请早!
另外不能不题,烧特级牛脷芯!此牛脷不同彼牛脷!老细用左牛脷最嫩果部分,再烧制而成!牛脷芯肉质幼嫩有弹性.
鸡翼我食得唔少,无论系自家制定系外出用餐.但系味椒盐鸡翼肯定系我最中意之一.黎左两次,两次都忍唔住食完一碟又要一碟.首先,火喉岩岩好.肉质嫩滑多汁,因为有椒盐,劲香烟熏味!真系谂起都流口水!
好味食物多不胜数!因为旧朋友聚会,当然谈天说地,饮酒畅谈.可惜,因为舖头开业不久,尝未领有酒牌.但系老细非常识做,竟然比我地带酒去饮!低赞!!!你识做时,我地当然识做啦.叫左好多下酒菜.我谂我地应该都叫左大半张餐牌!
烧羊架,鱼干,蟹籽沙律,烧枝豆,虾天妇罗,胡麻菠菜,甜蕃薯,牛油炒杂菇,紫薯,盐烧鲭鱼,烧秋葵,烧猪颈肉,绿茶泡芙.基本上全部都好有水准,一啲都唔马虎.
我个人最中意系烧带子,烧龙虾,烧羊架,椒盐鸡翼,烧特级牛脷芯,牛油杂菇,胡麻菠菜.
胡麻菠菜配答非常特别.极度野味!有个朋友就觉得椒盐鸡翼太咸,但系我就觉得超正,岩岩好.我个人就唔太中意烧秋葵,觉得秋葵食落好 slimy, 但系我其中一个 fd 就劲中意. 成晚非常满意!食物质数高,性价比超值.
顺带一提上次黎,食左个虎虾地狱汤面.劲正.老细话啲虎虾成 8 寸长.不过整熟后会缩细啲.啖啖肉,虾肉弹牙.叫左少辣都仍然辣到跳舞. 不过啲辣味走得好快.正!虽然 $98 食碗面真系唔平,但系一分钱一分货.而且我见到虎虾又忍唔住....
上黎 open rice 就睇得多,今次系小弟第一次出"包交".因为无意中发现呢间野,但系竟然好似冇乜人知.希望分享比大家,唔好搅到好野食越黎越少,全部变大集团餐厅,食黎食去都系果几间!
烧龙虾
16 浏览
0 赞好
0 留言
秘制香草烧羊架
$44
30 浏览
0 赞好
0 留言
烧鸡软骨
$9
25 浏览
0 赞好
0 留言
味椒盐鸡翼
$16
23 浏览
0 赞好
0 留言
张贴
