5% Cafe

营业中

休息中

同成班朋友一齐去咗旺角5%Cafe!呢间Cafe系一间好啱同朋友gathering去玩桌游嘅地方。佢有好多款桌游可以拣，可以同朋友一齐玩成晚！除咗可以自己同一班朋友上去玩之外，仲可以包场做party，场地好宽阔同舒适，环境非常好。可以喺度举办生日派对或者其他聚会，一定好开心！而且，佢嘅景致都好美丽，望到晒成个旺角！可以一边玩桌游，一边欣赏到靓靓嘅景色！至于食物方面，有一个超特别既菜式夏威夷窝夫薄饼！同埋好好味既红酒烩牛利，可以配薯菜或者意粉！夏威夷窝夫薄饼味道松软多汁，由于系餐厅自制嘅窝夫！所以特别松软香口！非常美味！红酒烩牛利系新鲜香浓美味，食落口好有家的感觉完全冇味精！诚意推荐！饮品我哋叫咗玫瑰洛神花茶同Hot baby toddy。玫瑰洛神花茶味道芬芳，而且粉红色嘅花茶非常靓！洛神花比例同玫瑰好吻合！完全唔会有太酸嘅洛神花既感觉！而Hot baby toddy系黑麦茶加上十肉桂、蜂蜜同柠檬，暖身又开胃，好适合秋冬天饮返杯！